粵語同日語用漢字嘅方式有某啲相似之處？

粵語例子：英文follow → 似粵拼 fo1 lou4 噉嘅音 → 寫做「科勞」

——「科」同「勞」呢兩隻文字喺意思上同英文 follow 完全冇共通點，但係佢哋嘅粵語讀音近似想寫嗰個語音，所以照樣攞嚟寫。

呢樣嘢同 日文假名 有咩關係？原來早期 日文 書寫用嘅 萬葉假名，就係好似假借呢種做法，例如以下呢段文字噉：

多太古要久礼婆 波久比能海

呢段嘢以為係標準中文或者粵文？呢段嘢原來係古時嘅萬葉假名式日文！呢段嘢出自著名和歌《萬葉集》，讀音據估計係：

Tadakoe kureba Hakuhi no umi

當中ta音寫做多；da音寫做太；ko寫做古；e寫做要*。後嚟日本人對萬葉假名作出簡化，形成今日見到嘅 平假名 同 片假名。

*注意：留意呢度講「讀音相似」，係講緊以當時嘅中古漢語讀音同埋當時嘅 日語 發音做基準嘅。

如果粵語都係好似萬葉假名噉嚟寫，想像：今後用漢字寫 粵文 嗰陣，完全忽略啲 漢字 原先嘅意思，粵拼ngo5一律寫做我，粵拼gam1一律寫做金，粵拼jat6一律寫做溢... 等等。噉你估唔估到，以下呢句嘢係寫緊乜？

我金溢鶴睹野。

作者：故事烏鴉