當 ChatGPT 係人嚟研究？

近年研究 ChatGPT 等嘅 大型語言模型 (LLM)，開始搵埋神經科學專家一齊落場。點解？因為呢啲 AI 嘅複雜程度，已經去到要用研究人腦嘅方法，先拆解到佢哋嘅內部運作！

由 if-then 到 神經網絡

初時嘅 人工智能，用一大堆 if-then 規則 (如果...就..) 嚟行事，呢啲邏輯雖然清晰，但唔夠靈活。而家嘅 AI，例如 ChatGPT 等，係以 人工神經網絡 同 機械學習 等技術為基礎，學習模式更似人腦處理資訊嘅方式。

參數多到直逼人腦

好似 ChatGPT 噉嘅模型，閒閒哋有數以億計嘅「細胞」，每個細胞都有若干個參數描述佢嘅特性，講複雜程度已經直逼人腦嘅數量級。

神經科學家最擅長就係處理呢啲複雜系統：佢哋慣咗研究人腦，知道點樣觀察系統嘅整體行為，嚟判斷 (例如)「系統邊部分係做咩功能」。依家將套方法搬去研究 AI，就可以幫我哋理解呢啲「黑盒」背後嘅運作原理為何。

你覺得呢？

ChatGPT 嘅研究要用到 神經科學，係咪表示呢啲 AI 已經接近人類水平？定係其實兩者仲有好大距離？

留言講下你嘅諗法啦！