近年AI同智能機械人高速發展，好多人開始思考AI會唔會有一日擁有意識，取代人類。對於呢個問題，#道家思想 其實都曾經思考過。
《列子》入面就有一個提及機械人既故事。話說周穆王出去狩獵既時候，聽到當地有個好犀利既工匠叫做偃師，於是想召見佢。第二日，偃師去拜見穆王既時候有兩個人一齊。穆王就好奇問佢身邊係邊位？偃師解釋：呢個係佢整既歌舞機械人。
穆王唔信，行近睇佢既皮膚同毛髮都好似真人一樣。於是呢個偃師就叫個機械人表演跳舞，個機械人完全按住節拍同指令黎跳，動作千變萬化，睇到穆王都入哂神。
點知跳完之後，個機械人向穆王既妾侍打左個眼色。穆王就好嬲，覺得佢係真人扮既，想殺左佢同偃師。偃師就好驚，即刻拆開個機械人，見到佢內臟都係用皮革、木頭、樹膠造既。然後拎走佢個心，佢就唔識講野；拎走佢個肝，佢就睇唔到野。但拼返好，佢就回復正常。
穆王先感嘆，「人之巧乃可與造化者同功乎？」
周穆王呢個問題其實同今日既AI問題一樣：人究竟可唔可以同 #造物者 一樣，造出一個有意識有生命既機械人呢？
呢個問題有兩層意思。作為一個反問，佢係感嘆偃師高超既技術已經同造物者差唔多；但作為一個疑問，佢係思考緊機械人可唔可以同人一樣。
#列子 就係呢度展現左佢既「機械人」哲學。佢認為呢個機械人比魯班既雲梯同墨子既飛鳶都優勝，因為佢唔只係工具，而係接近於 #自然造化；但另一方面，機械人始終唔係真人。
道家思想認為，技術產物同人都係自然造化既結果。技術產物唔係完全由人設計、發明，佢必須符合 #自然規律。人既角色只係「輔萬物之自然」。
最高級既技術唔係服從於人既工具，而係參與到自然造化之中既技藝。另一方面，人既存在同樣係自然造化既結果。大化之中，人同機器各有其道，互不隸屬。
應用係今日既 #AI 思考，道家可能會認為，AI同機械人可能真係會有一日以超乎想象既方式存在，但始終無法取代人係自然中既位置。人要做既唔係徹底駕馭AI或者消滅AI，而係接納人同AI既差異，揾到同AI和諧共處之道。
想進一步知道點解道家反對將 #科技 視為工具？點解道家一方面倡導少用技術同機械，但另一方面又有各種神秘技術？道家又點樣回應技術時代既各種挑戰同問題？歡迎修讀《道家哲學之不自然人類研究中心》，我地會從當代視角重新審視 #道家哲學 既洞見！
學識會員