尺牘文藻：典雅中文書信閱讀與書寫

之前已上過黎老師不同嘅寫作或古代文化課程，過程總係好開心，又開到自己眼界同提升到自己內涵(短暫地) 。所以見到黎老師再開新嘅閱讀同仿作課程，二話不說馬上報名。 對於初學者如我，今次用古詩十九首做主題，係一個好適合嘅題材，因為難易度適中，同學容易拿揑寫作技巧與表達情感之間嘅平衡。而同學嘅創作意念多元，亦更好啟發大家嘅討論，亦令自己接觸到其他範疇。 係每星期嘅功課入面，我自己最中意係改寫流行曲功課，意外變成估歌遊戲，咁就唔單止用自己視角去詮釋作品，更要代入他人去閱讀自己作品，因此係一個有趣又好好嘅練習。 最後我必須將最好嘅好評獻俾黎老師，教學無分課內課外，任何時候嘅提問黎老師都會一一用心解答。而且為咗令到每個同學都有機會討論自己嘅完成作品，特意安排兩節時段上最後一堂，係一個十分為學生著想嘅好老師。