Louis

Louis，香港中文大學畢業，主修歷史，亦修畢學位教師教育文憑。曾經做過中學教師，任教中國歷史、歷史、中國語文同普通話，但同時又興趣班式咁學吓日文。2012年拋低份工去日本修讀日語，考埋個日本語能力試驗N1，2014年返香港之後一直freelance教日文到而家。語言係溝通嘅工具，學習語言唔應該停留喺漫無止境嘅文法規則同練習（當然呢啲都好重要㗎），唯有透過聽說讀寫唔同類型嘅實戰，喺生活中運用學到嘅語言，同唔同嘅人交流，放膽講自己想講嘅嘢，先算係一步一步慢慢掌握。