究竟而家嘅 AI 🤖 智能水平超越咗人類未？🧐

你有無玩開 #ChatGPT 或者其他識講嘢寫嘢嘅 AI？初頭玩嘅時候，有冇諗住 ChatGPT 背後查實係有真人控制？甚至覺得問 ChatGPT 好過問真人？

如果一個電腦程式識得用語言，而且大家都分唔出佢係咪真人，噉佢就好可能會通過 #圖靈測試 (Turing Test)！

咩係圖靈測試？

英國數學家 艾倫・圖靈（Alan Turing）喺一九五零年提出咗一條問題：「機器有冇可能有能力思考？」佢諗出咗一個測試：

搵班受試者返嚟，每位受試者都要同兩個對象對話，兩個對象一個係真正嘅人，另一個係 AI，而受試者冇得睇對話對象（即係冇得靠睇樣嚟做判斷）只可能靠例如傳信件嚟通話。

如果一眾受試者分辨唔到邊個係 AI，佢哋估啱嘅機率同靠撞一樣 (50%)，噉即係個 AI 嘅表現同人類無異，通過測試！

AI 真係識「諗嘢」？

今日有好多 #AI，例如 ChatGPT、#DeepSeek、客服機械人，都可以回應人類畀嘅語言輸入，甚至識得寫詩同埋做 #心理輔導！但佢哋真係「理解」到我哋講緊咩？定只係根據數據計算出最合理嘅回應？理解係咩意思？

你點睇？

你有無試過同 AI 傾偈，覺得佢好似真人？定係無論點都覺得有啲怪怪哋？喺下面留言話我哋知！