🫥莊子躺平學：破除虛妄、回歸自然

近年社會流行 #躺平，拒絕再為錢為樓賣命。但同時好多人批評躺平，認為如果大家都唔努力，咁社會就唔會進步。究竟躺平係好係壞？莊子對「躺平」既思考或者可以俾到我地一啲啟示…

社會進步係咪真係好事？

——當建立咗國家，有咗階級同有組織既社會，就出現各種爭權奪利，以強凌弱，以眾暴寡的現象。

我地唔再活在當下？

——為咗想象中將來會有既大屋豪車、名利富貴而活。莊子認為，呢個係 #文明世界 既通病。

令原本虛構既嘢變得好似真既一樣？

——好多人廢寢忘食，甚至不擇手段，都只係想獲得「董事」、「局長」、「大師」、「冠軍」既頭銜；歷史上更有好多人為咗虛構既意識型態不惜發動戰爭，導致生靈塗炭。

因為我地追逐既唔係事物本身，而係佢背後代表既虛構價值，所以原則上呢種行盡如馳唔會停止，只會終身營營役役而不見成功。

表面上我地好有活力，好有追求，但事實上當我地死既時候，一切都隨之而去，我地實質上得到咗啲咩？創造咗啲咩？為所謂既「成功」又犠牲咗啲咩？

如果莊子仍然在世，佢會認為「躺平」既意義就在於從「名」既虛妄回到未被成見扭曲既世界。事物「原本就係咁」既狀態就係「自然」。所以躺平既關鍵唔係乜都唔做，唔係放棄，而係重新思考我地既 #世界觀、#價值觀 係點樣黎，我地有無係虛妄中迷失而不自知？當我地放低「名」既虛妄，就會見到世界最真實既本來面目。

躺平，令我地背靠大地，仰望星空，重新感受身邊一切。當我地停下來之後，仍然能感受到既心跳、呼吸、空氣、同身邊的人，先至係生命最真實既面貌。呢個或者就係莊子留俾我地既答案。

「名」既意義其實唔只咁簡單。《老子》第一章就講「道可道，非常道；名可名，非常名。」

#道名並舉 既意義何在？

#道家 同 #名家 既關係又如何？

除左虛構既概念之外，人又係點樣一步一步離開咗原本自然既世界？

想知道更多，請即報讀「道家哲學之不自然人類研究中心」！