話人nice 原來係鬧緊人 ?！ 🤯

「阿明？佢個人都幾 nice 嘅。」

呢句說話如果係由中世紀嘅人講，好可能係鬧緊人？

例如：英文字 "nice"

喺中世紀英文入面，"nice" 原本意思係「愚蠢」或者「無知」噉解，源自拉丁文 nescius（可以理解為「唔識嘢」嘅意思）。

但係到咗今日，"nice" 通常解作「好」或「令人愉快」，成為咗一個正面嘅形容詞！

其實無論係咩語言，字詞嘅意思都不時會出現變化。呢種現象就係所謂嘅語義演變 (Semantic change)。

語義演變可以分好多種，例如係：

升格（Elevation）：意思變得正面，好似 "nice" 由蠢變成好。

貶格（Pejoration）：意思變得負面，例如英文 "silly" 以前解作「快樂」，但而家變成「蠢」。又可以想像吓粵語「雞」本來只係指一種動物，後來變成指妓女。

… 等等。

語言嘅演變，反映住文化、社會同歷史嘅變化。你仲知唔知其他得意嘅例子？留言同我哋分享啦！