AI 都可以做智商測試？

你知唔知，人工智能都可以有 IQ ？

通用心理測量（Universal Psychometrics）

傳統上，IQ 測試係用喺人類身上嘅，因為得人類會識填 智商測試。但近年喺心理學界有個新興概念叫做「通用心理測量」，佢哋係想設計測試，唔淨止量度到人類嘅智能，仲可以用同樣嘅原理去量度動物、AI 系統、甚至外星生命嘅智能。意思即係話，佢哋想搵出一套「跨物種」或者「跨系統」都適用（通用）嘅智能測量方式。

IQ 測試點樣量度智能？

傳統嘅 IQ測試，其實只係一種工具，測量人類喺特定作業（例如 邏輯推理、詞語理解、空間想像）上嘅表現，再將結果同平均值比較，換算出一個數字（IQ 分數）。

但要記住：

IQ ≠ 智能。

IQ 只係智能嘅度量方法，而「智能」本身可以包括好多層面，例如創造力、社交理解、學習能力、適應環境能力等等，有啲嘢 IQ 未必量度得到。

圖靈測試（Turing Test）

早喺1950年，數學家艾倫・圖靈就提出咗一個想法——

如果一部機械能夠喺對話中令人分唔清佢係人定機械，咁佢就可以視為係有智能。

有學者認為，圖靈測試 可以視為最早期嘅一種「通用心理測量」——

唔係淨係測人，而係測一個系統（無論係人腦定電腦）能唔能夠展現有智能嘅行為。

問題就嚟啦：

而家好似 ChatGPT 呢啲 大型語言模型，能夠解題、講笑、寫詩、甚至幫人寫 code。

咁樣嘅 AI，可唔可以用 IQ 測試去量度佢哋嘅「智能」？你同 ChatGPT 傾計，有陣時會唔會覺得根本分唔清佢係人定係機械？

AI 做 IQ 測試——有意義，定係自欺欺人？