AI翻唱成絕響？

喺AI熱潮下，網絡上出現不少AI 音樂翻唱，即係利用 AI 通過現役或已故歌手翻唱別人嘅歌曲，香港較出名嘅channel有AI 黃家駒、AI尹光，其中AI尹光更因翻唱姜濤嘅《Dear My Friend》與林家謙嘅《一人之境》，深受網民喜愛，而尹光真人之後更玩埋一份，發布咗新歌《Dear Myself》，同AI「Wan K.」來了一個crossover，而家網民仲話要推佢上叱咤攞我最喜愛男歌手混。

不過我地之後可能再聽唔到呢啲既逼真又有趣味嘅AI翻唱喇，因為早前YouTube 宣布，為咗避免觀眾被誤導以及保護版權持有者嘅利益，將在未來幾個月內刪除平台上 AI 音樂翻唱與模仿人物嘅 AI 生成內容。YouTube 亦將要求使用 AI 嘅創作者，在影片內標明內容係經過合成，如果唔咁做，創作者可能會被暫停或終止合作夥伴計劃嘅資格。

有人對此舉腳讚成，認為未得當事人同意攞人哋形象嚟玩本身就唔啱，又有人認為咁樣變相是限制創作，扼殺創意，唔知大家又點睇YouTube呢個決定呢？