如何用計算思維處理數據分析

好多時我哋有嘢想知，以往會問 Google，而家我哋可以問 AI。不過如果問題較為複雜，情況會點？
如果喺 google 搜尋，佢就會列出相關網站，裏面有唔同人做嘅分析，結論往往南轅北轍，各說各話。通常一路睇，你只會越來越迷惘。
咁如果問 AI 又會點？較為複雜嘅問題，如果直接問，佢都只會幫你整理，引用網上文章拼湊一個回應，通常結論都係模稜兩可。
好消息係，其實你係可以利用 AI 幫你做數據分析，得出一個你自己嘅結論！

我舉個實例。
我直接問 ChatGPT 4o:
 “香港經濟係咪真係差咗? ”

佢畀咗以下嘅回應 (省略部分內容):
“香港經濟近年確實面對多重挑戰，但亦出現復甦跡象。根據最新數據，2025年第一季本地生產總值（GDP）按年增長3.1%，主要受惠於貨物出口和服務輸出增加，以及投資開支回升 。政府維持全年經濟增長預測在2%至3%之間 。然而，私人消費仍然疲弱，反映市民消費信心未完全恢復。

金融市場方面，香港今年上半年成為全球最大首次公開招股（IPO）市場，籌集約139億美元，主要來自中國企業，如寧德時代和Shein 。恒生指數亦上升逾20%。然而，這些增長主要來自中資企業，國際企業對香港的投資仍持觀望態度。

勞工市場方面，2025年3月至5月的失業率為3.5%，略高於上一季 。零售業在5月錄得2.4%的按年增長，但整體消費模式仍在調整中。

財政方面，政府預計2024/25年度赤字達872億港元，並計劃削減1萬個公務員職位，凍結薪酬，以應對財政壓力 。

總結而言，香港經濟正處於復甦階段，但仍面對內部消費疲弱、財政赤字和外部不確定性等挑戰。未來經濟表現將取決於全球經濟環境、內地經濟政策以及本地消費和投資信心的恢復。”

明顯見到佢畀咗一個模稜兩可，引用唔同文章，拼湊一個回應畀你。

係呢個時候，你應該利用 AI 做你自己嘅數據分析。你唔需要自己計，亦唔需要自己去搜集數據，但你必須要諗清楚你想點樣判斷你嘅問題，然後喺寫提示嘅時候，輔助 AI 得出你要嘅答案。

首先第一步，要改為選擇邏輯推理好啲嘅模型。我選擇用 o3。

跟住諗清楚想點樣判斷 “經濟好” “經濟差”。先直接問ChatGPT其實都有好處，可以得到靈感應該點判斷。我諗，通常我哋話香港經濟差，主要係所謂嘅 “市道唔好”。而市道其實未必反映喺GDP增長上面。所以我會收窄到只睇消費層面。而所謂好唔好必須要有對比。我就試下從時間及地域上對比。我將問題收窄再問 ChatGPT o3 : 
“嘗試搵出以下數據: 對比香港 2019年, 2024年嘅消費金額同信心指數。我需要判斷香港嘅市道好唔好。要對比星加坡, 台灣。”

以下係回應嘅精華內容:
“私人消費開支（Private Consumption Expenditure，名義值）

地區	2019 全年	2024 全年*	升跌幅
香港	HK$ 19737 億	HK$ 21401 億	+8.4 %
新加坡	US$ 約 1470 億	US$ 1724 億	+17 %
台灣	US$ 約 700 億	US$ 943 億	+34 %

消費者信心指數（CCI，0–200，一般 100 為信心臨界）

地區	2019（Q2–Q4）	2024（Q2）	變化
香港	77.7	85.9	+8.2 點
新加坡	89	無統一官方點數； 75 % 受訪者對經濟「正面」	情緒改善
台灣	86.5	93.05	+6.6 點

有對比就會見到香港消費金額雖然有增長，不過就比另外兩個地方慢，消費信心亦有反彈，但亦都似乎比另外兩個地方差。
當然我哋可以再收窄問題追問，check 清楚佢提供嘅 reference 是否正確。不過作為示範就做到呢度。
喺「計算思維與 AI 溝通工作坊」我會再同大家用其他例子練習。希望可以同大家一齊用 AI 越用越好。