成日睇 Tiktok 短片會「玩殘」個腦？📱

心理學同神經科學界幾年開始討論：二〇二〇年代起，有愈嚟愈多短篇、垂手可得嘅內容可以睇，會唔會搞到人變到唔再識得長時間專心？

拆解：腦對於尋求稿賞，原來有兩條「線路」！ 🧠🐭

試想像擺隻老鼠喺個籠，籠內有兩個掣，㩒紅色掣可以即刻得到細粒食物，撳藍色掣就要等三十秒先有食物，但係藍色掣出嗰嚿食物會大粒啲，隻老鼠會點揀？

呢個就係行為科學講到嘅延遲犒賞 (delayed reward)！無論係人腦定老鼠腦，去搵食物等嘅犒賞嗰陣，由兩個系統控制；一個系統對即時快感有反應，而另一個則比較長遠，會思考一啲過咗一段時間後先得到、但係就更大嘅犒賞。兩者角力，控制人類做決定！呢點亦受到神經科學證據支持：研究顯示追求即時快感同抑制呢種衝動所涉及嘅腦區係唔同嘅！

呢種情況日常生活都成日出現：想像而家就快考試，阿珍可以選擇同朋友去玩或者煲電話粥，噉就可以得到即時快感，但嗱嗱臨去溫書，長遠幫到升學。有心理學家做過所謂嘅棉花糖實驗 (Marshmallow experiment)，搵一班細路望住一粒綿花糖，如果佢哋忍到口，一路等到實驗者返嚟都未食粒綿花糖嘅話，實驗者就會送一大包綿花糖，結果發現，忍到口（延遲滿足慾望）嘅細路長遠嚟講學業成績更好、人生更成功！

講返 YouTube 同 Tiktok 呢啲平台上成日見到嘅短片，可以帶嚟大量嘅短期即時快感，睇得多，會令到個人變到依賴短期快感系統行事，變到唔再識得專注於長遠嘅工作！

畀你揀，你想即時得到 🧁，定係五日後得到 🧁🧁🧁🧁🧁🧁🧁🧁？