為去旅行學日文?

我係識少少日文又間唔鐘會一個人去日本旅行嘅小編，第一次用小編呢個身份嚟同大家傾下計。

大佬叫我寫下嘢宣傳一下最新嘅「學識用日文去旅行—美食編」課程。但好倒米又坦白咁講，如果你只係要點餐，宜家嘅翻譯工具已經非常優秀，甚至日本好多遊客區都已經有中文餐牌，即使雞同鴨講，只要唔好揀太地道嘅小店，配合 肢體語言 指手劃腳，你總會搵到餐飯食。

但如果問我會唔會因此就覺得「為咗旅行學日文」意義不大，我答案會係否定的。用日文點餐或者進行簡單嘅交流，除咗係能力，更係尊重對方文化嘅表現，而我自己嘅經驗入面，呢份尊重亦會喺唔少嘅時候收到正向嘅回饋。

喺我去 日本旅行 嘅時候，久唔久就會遇到一啲向我搭話嘅人，可能係小居酒屋嘅叔叔姨姨、街角服裝店嘅店員、旅館大廳遇到國內旅遊嘅日本人……呢啲相遇都係因為我嘗試用唔完美嘅日文一次次去同佢哋溝通，亦令我真正咁感受到何謂「一期一会」。

有人話日本人好排外，但我亦喺日本接觸到好多日本人，佢哋由衷為有外國人願意學習自己國家嘅語言、熱愛自己國家嘅文化而高興，亦感受到佢哋喺禮節以外，待人仲有份真誠嘅熱情。而呢啲感受，喺我細細個未識日文、同屋企人跟團旅行戈陣真係好難有機會體會到。

學習當地嘅語言再去旅行，除咗培養你嘅語言能力，更可以令你擁有更深入體驗一個地方嘅機會。

目前「學識用日文去旅行―美食編」報讀人數已達成班門檻，喺課程影片完成前報讀仍可享九五折優惠。

一齊用新角度更深入咁走進日本文化！