科學
近日超強颱風蘇拉吹襲本港，是繼 2018 年山竹之後，事隔5年嘅十號風球。大家知唔知香港歷史上，一共掛過幾多次「十號波」？連埋今次蘇拉，答案係17次 (如果唔計1946未命名嘅十號風球就係16次)！而家等學識同大家回顧下香港歷來威力最強勁嘅幾個十號風球啦：
1957年：颱風姬羅莉亞，這場颱風導致大片木房區遭受破壞，僅在荃灣區就有400間房屋被毀，災民人數超過1萬人。
1960年：颱風瑪麗，颱風直擊長洲和赤柱，導致大量船隻被吹上岸，情景慘烈。
1962年：颱風溫黛，這是戰後香港遇到的最嚴重的颱風之一，無論風力抑或破壞力仍是香港之最，導致183人死亡或失蹤，超過7萬人失去住所。
1971年：颱風露絲，此颱風導致香港發生了戰後最嚴重的海難——「佛山輪」沉船事故，全船88人罹難，僅有4人獲救。
2012年：颱風韋森特，由於颱風導致的電纜損害，港鐵東鐵線全線停駛，乘客被迫在車廂或車站度過整夜。
2018年：颱風山竹，此颱風引發的風暴潮使維港水位上升至2.35米，打破了「溫黛」的紀錄，並導致杏花邨多幢大廈數天停水停電。
至於今次嘅蘇拉，外界一度預計佢會係山竹嘅翻版，但結果好多人都覺得蘇拉「無料到」甚至「吹大咗」。前天文台長岑智明就喺佢嘅社交平台表示，蘇拉近岸後風力減弱，而且最強部分只在香港以南掠過，市區才沒有受颶風侵襲，形容香港「避過一劫」。
對大家嚟講，印象最深刻嘅又係邊個風球呢？
其他同類文章
學識會員