OpenAI 一份非常值得教育界關注嘅文件

OpenAI 上星期發佈咗「ChatGPT for Teachers」，同時亦推出咗一份非常值得教育界關注嘅文件：AI Literacy Blueprint。呢份 Blueprint 其實係 OpenAI 對 AI 喺教育領域應該點用、點教、點整合嘅一套完整思路。

簡單嚟講有幾個重點，第一：教師角色嘅轉變

以往老師主要係知識嘅提供者，但 AI 時代底下，資訊唔再稀缺。Blueprint 明確指出，教師將會成為「AI 操作與批判思考」嘅引導者，包括點樣理解 AI、點樣正確使用、點樣發現偏誤、點樣避免依賴、點樣保持思考力。

換句話講，老師唔係要比 AI 取代，而係要帶住學生一齊學識點樣駕馭 AI。

而 Blueprint 仲講得好清楚：教師要有空間自己先掌握 AI，然後先融入課堂。呢點對所有教育工作者都好重要。

至於其他幾個重點包括：

AI 素養應該點樣落地到課程？

點樣結構化咁提升學生嘅 AI 判斷能力？

又或者教育機構應該點為 AI 做好準備？

同埋點樣將 Blueprint 套用返香港人嘅教育情境，可以來參加聽晚嘅《AI 月會》。我江啟明同 Hugo Lai 會一齊同大家討論呢份 Blueprint，包括佢背後嘅教育理念、對未來教學嘅影響，仲會講下實際案例同常見誤解。

現時AI新聞太多太雜，學識會側重喺教育工作及對知識有追求嘅朋友關心嘅AI議題，為大家用教育家嘅角度去分析AI新聞。如果你係老師、學生、家長、學者、或者只係對知識有追求嘅朋友，都好值得一齊傾下。