🧠❓曼德拉效應，究竟係點樣產生？

「曼德拉效應」你聽過未？ 就係指集體記憶出現不符合史實的內容，對於歷史、事件、影像有錯誤的記憶。最早發現呢種現象係2010年一位研究超自然現象嘅美國人，佢發現自己同好多人一樣，印象入面南非總統曼德拉早喺1980年代已經喺監獄入面死咗，但現實係2010年嗰陣佢重在生（2013年先至死）。呢種「集體錯覺」長年喺網上引起唔少討論。

咁AI同呢件事有咩關係？National Geographic早前一篇文章就話，AI會加劇曼德拉效應。當AI可以快速生成文字、圖片、聲音，但內容未必準確，加上網民大量轉發，好容易就會製造出假嘅集體記憶。

喺心理學同神經科學入便，研究記憶現象係重大嘅課題。實證研究表明，記憶唔係好似影相咁準，而係容易受影響、被改造嘅。喺九十年代，有心理學研究者做咗噉嘅實驗：佢哋搵咗一班參加者返嚟，同佢哋個別噉講述幾段童年經歷，其中一段經歷係同佢哋講，話佢哋細個嗰時曾經喺商場盪失路。段經歷完全係虛構嘅（同親友嘅訪談 confirm 呢一點），但經過研究者做多次訪談同參加者講同一段話，有唔少人開始「記得」呢件根本未發生過嘅事。呢種誘導就係典型嘅假記憶實驗。

好似商場盪失路研究等嘅心理學研究顯示，記憶錯誤好常見，常見嘅成因包括注意力不足—若果唔多留意某樣嘢，可能就容易「亂咁搵資訊填補空白位」。有部份研究發現，假記憶嘅發生同語言相關腦區活動有關。某啲類型嘅假記憶源自腦入便用語言描述件假記憶，縱使假記憶係純視覺性質，有啲似AI大型語言模型，用語言生成影像嘅情況。

爭議點

唔同嘅研究顯示，記憶並唔可靠，好多嘢都可以令人產生假記憶。呢類研究引起咗廣泛關注：

牽涉到童年受虐待嘅記憶，有冇可能就噉「植入」？

查案嗰陣，証人嘅記憶有冇可能係假？一旦處理唔小心，會唔會引發不必要嘅道德同法律問題？

記憶係人類自我認同嘅重要部份，如果我哋嘅記憶可能唔係真嘅，對我哋嘅自我觀感有咩影響？

你覺得自己嘅記憶，係咪完全信得過？定係其實都有機會「呃」你？

相關文獻: 假記憶嘅發生同語言相關腦區嘅活動有關：Garoff-Eaton, R. J., Slotnick, S. D., & Schacter, D. L. (2006). Not all false memories are created equal: the neural basis of false recognition. Cerebral Cortex, 16(11), 1645-1652.