知識到底係點嚟嘅呢？

點解人類會識 1+1 = 2？

點解我哋知道英國首都係倫敦？

點解阿爸阿媽會識得煲蕃茄薯仔湯？

知識到底係點嚟嘅呢？

原來歷史上，西洋哲學家不溜都有討論一條深奧嘅問題：人嘅知識係嚟自咩來源？近代哲學上，有兩種觀點一路都廣受討論——經驗主義同理性主義。

經驗主義重點係，知識主要嚟自感官體驗。人要確切知道一樣嘢，就一定要用眼睇、用耳聽、用手摸。想像而家有個人喺度求知，想確定黑天鵝係咪真係存在，根據經驗主義嘅觀點佢一定要用某啲方法感知嗰樣嘢：可以直接感知，例如親眼見到黑天鵝；又可以係感知到一啲暗示黑天鵝存在嘅嘢，例如喺地下搵到黑色、好似天鵝噉嘅羽毛。

事實係，經驗主義 嘅睇法造就咗 現代科學 嘅誕生：現代科學用嘅係實證方法；一個諗法要係屬於科學嘅範疇，佢一定要有可否證性，簡單講即係有可能搵得到可感知嘅證據，否決個諗法。如果個諗法係不可否證嘅，佢就唔算係科學嘅範疇。

理性主義 同經驗主義好唔同。理性主義者求知唔係靠感官，而係靠理性同邏輯—簡單講就係齋靠個腦嚟諗。呢種方法常見於數學——現代數學靠嘅係證明，由前提推理出新嘅知識，成個過程原則上可以淨係用腦嚟思考。

經驗同理性，邊一個比較重要？兩種觀點有冇可能結合？其實包括康德在內嘅好多哲學名家都有著墨，探討兩種觀點可以點樣融合。

你覺得知識主要來自經驗，定係理性？留言分享你嘅睇法！

更多詳情亦可以參考吓粵語維基嘅「知識論」條目。

如果你想學多啲呢方面嘅嘢，更可以考慮報讀學識課程【西方哲學史三】，其中就會談及笛卡兒同洛克奠定理性主義及經驗主義爭持嘅現代哲學格局，以及其後引來德國觀念論者康德同黑格爾嘅哲學回應。

導師介紹

盧傑雄博士，香港中文大學哲學博士，現任香港中文大學哲學系高級講師。 香港實踐哲學學會(HKPPS)創會會長及董事會主席， 香港哲學諮詢師協會(HKPPA)榮譽會長， 美國哲學諮詢師協會(APPA)註冊執業哲學諮詢師。

【西方哲學史一】 【西方哲學史二】 【西方哲學史三】