項少龍返到秦朝，其實一句都聽唔明？

《尋秦記》入面，項少龍由二十一世紀返到二千年前，竟然可以同秦人順暢對話。呢個設定戲劇效果一流，但喺語言學角度睇，幾乎一定唔成立。

原因好簡單：語言一定會隨時間演變。

即使講緊「同一種語言」，只要代際差距夠大，互通性 (mutual intelligibility) 都會急速下降。唔好話二千年，就算五、六十年，老一輩同後生一輩嘅粵語，喺詞彙、發音同句式上都已經可以出現明顯差異。

詞彙會流失同新增（lexical change）

例如：
行船、綠衣、偈（engine）呢類用詞，年輕一代未必聽過
巴士、的士、士多 —— 英文借詞
如果項少龍喺秦朝講「策略」、「系統」、「效率」，秦人根本連「呢啲係詞語」都未必認得。

詞義會轉移（semantic shift）

即使「同一隻字」，意思都可能已經變咗。

例如：
「物理」古代指事物嘅道理、原則，現代就指一門自然科學。

發音系統會慢慢改變（phonological change）

有冇留意到，阿爺阿嫲同孫，同一隻詞嘅讀音都有啲唔同？

將呢個差異拉闊到幾百年，結果就係聲母、韻母、聲調全部系統性改變。

唔信？不如試下上 YouTube 摷下語言學家重構嘅中古漢語（大致相當於唐宋時期嘅漢語），恐怕冇字幕你一句都聽唔明！或者去搵啲木魚書嚟睇下，睇睇明清時代嗰陣嘅粵語用詞同句式，你哋會唔會睇得明？

諗下自己嘅個人經驗。你哋有冇感受過年老嘅人嘅粵語同後生一輩嘅粵語，兩者之間嘅巨大差異？

如果你都想感受下古代嘅情景，可以考慮報讀 VR遊東周：貴族級食玩遊 !