閱讀學識

超級 AI 是否一定要先產生自我意識，才可能加害人類？這是坊間對 AI 風險最普遍的一個前提——AI 會「醒來」、會有自我意向，於是不甘受人類壓迫而起來反抗，最終演變成人機大戰。但今時今日，許多專家學者提出的警告，其實完全不需要依賴這個假設。今集從科幻百年想像出發，拆解智能、意識、意向性與自主行動之間的分別，再回到現實：AI 的真正威脅，究竟是一個有自我意識的機器，還是一個沒有仇恨、沒有感受，卻能極高效率完成目標的超級系統？

最近網上有一單小新聞：有人搭巴士飛站，想用巴士公司嘅APP投訴，點知反映意見限100字。於是佢索性用AI寫咗一段較為文言嘅文字，將整件事濃縮喺字數限制之內。呢件事引來唔少討論——有人覺得文言文果然精簡有力，亦有人質疑：「呢啲其實只係書面語，根本未算文言文。」今集《學識開咪》，主持啟明與Hugo就由呢篇投訴信講起，一路討論到文言文同書面語嘅界線，究竟喺邊度。

宇宙有大約 138 億年歷史，這是今日科學界的共識。但「有限的年齡」是否等於「有一個真正的起點」？今集《未來學》由江啟明主持，再次請來香港教育大學副教授陳文豪——他的研究橫跨天體物理學、宇宙學與科學及宗教哲學——由大爆炸的觀測證據講到霍金的奇點定理與「虛數時間」，最後發現「開始」這個概念本身，可能比想像中複雜得多。

如果你攞一個蘋果出嚟，問身邊人呢個係咩顏色，十個有十個都會答「紅色」。呢個答案睇落理所當然，但《學識睇世界》主持江啟明喺呢一集提出一個更根本嘅問題：紅色，究竟係蘋果本身擁有嘅性質，定係我哋睇嗰一刻，先由大腦「製造」出嚟？

由啟明與好青年荼毒室成員洪恩主持，今集《學識開咪》由電影、遊戲與 DEI 爭議出發，拆解「左翼」「右翼」及「左膠」等標籤背後的歷史脈絡。問題不只是應否在娛樂作品加入不同性別與種族角色，更在於我們如何理解平等、自由與公義，以及不同價值真正衝突時，應以甚麼理由作出判斷。

呢一集《未來學》邀請恒生大學社會科學系助理教授李敏剛博士（中歐大學政治科學系博士），一齊討論一個近年愈嚟愈迫切嘅問題：當 AI 可以比人類更理性、更會說服人，甚至比你自己更了解你想要咩，民主制度所依賴嘅「人民判斷」，仲有幾大意義？

近年 AI 的能力突飛猛進，識寫文、識寫程式、識整圖整片，於是好多人都會問：如果 AI 真係咁聰明，點解仲唔可以幫手煮飯、洗衫？點解唔可以將 AI 直接安裝落一個機械人度，佢就自然一樣咁醒？ 由江啟明主持的《學識AI》EP6 指出，呢個問題嘅根源，係我哋平時用嘅 AI 面對嘅主要係「資訊世界」，而機械人面對嘅係「真實世界」——喺資訊世界聰明嘅 AI，唔代表去到真實世界一樣咁叻。

呢一集《學識開咪》由Leo與Hugo主持，兩位主持人都係移咗民嘅香港人——一個去咗新加坡，一個去咗英國。呢集佢哋由自己嘅親身經歷出發，一路傾到鄉愁呢種情感嘅本質、科技對鄉愁嘅影響，甚至扯到海德格哲學同先秦諸子思想。

幾個月前，Anthropic 聲稱做出咗一個極度厲害嘅新模型，內部代號 Mythos。厲害到咩程度？厲害到 Anthropic 自己都話：太危險，唔可以放出嚟畀大家用。呢個模型如果落到一般人手上，第一件事可能就係掃描晒現有 IT 系統嘅保安漏洞，再用嚟發動攻擊。於是 Mythos 一直被鎖喺實驗室入面，直至改頭換面，變成閹割版嘅「Fable」——先至真正推出市面。點知先啱啱上架就即刻俾人禁咗，隔咗兩三個星期先至解禁回歸，掀起一輪關於「佢係咪蠢咗」嘅熱議。今集《未來學》請嚟香港無線科技商會主席 Keith 李勁華，由用家角度拆解呢場風波，以及背後代表緊嘅 AI 競賽新階段。

你有沒有試過同人爭論，明明拿出證據，對方依然不為所動，甚至繼續堅持原有立場？我們很容易覺得對方固執、不肯面對事實——這種想法，或許同我們從小聽開的科學故事有關：伽利略在比薩斜塔同時擲下一輕一重兩個球，一招KO亞里士多德。但科學革命真係「一個證據就能扭轉世界」咁簡單嗎？《學識睇世界》EP2 由江啟明主講，借伽利略同範式轉移的故事，拆解證據同信念之間複雜得多的關係。