粵難越做：香港廣播劇的興盛和不滅

喺前晚嘅【粵難越做：香港廣播劇的興盛和不滅】講座，講者王德全（德哥）首先介紹香港 廣播劇 嘅歷史：由40年代廣播劇嘅出現同興盛，到電視台嘅威脅，再到後來社會環境大轉變，今時今日廣播劇息微了嗎？

非也，其實純聲音嘅廣播劇都仲有佢嘅魅力！配合 混音技術，歐美及內地嘅廣播劇亦可以製造到逼真澎湃猶如置身現場嘅感覺，香港嘅廣播劇可唔可以做到？傳統嘅廣播劇例如 十八樓C座 肩負諷刺時弊之責，咁喺而家嘅香港新環境仲可以點樣轉型？

德哥嘅答案好簡單：「唔好理咁多，就係做！」就算budget有限，其實廣播劇最終嘅核心都係人，只要有心，而且細心觀察身邊所發生嘅事，一樣可以拍製到大家願意聽嘅廣播劇，所以德哥今時今日仍然繼續製作緊唔同嘅廣播劇。

嚟緊德哥喺學識會舉辦【我都要做廣播劇】課程。呢個課程唔只淨係學，更關鍵嘅係一齊做，課程會先教大家如何創作廣播劇，之後教大家點樣演出。最後一課，德哥應承會帶學員去錄音室一齊正式錄製一齣廣播劇，並安排喺合適嘅廣播頻道播放。如果你有興趣學習廣播劇，並且一齊參與製作廣播，呢次機會就萬勿錯過！