六十年代香港，市區已經到處人多車多，人口年年十萬十萬咁加，工廠係咁起，但馬路就起得慢，尤其係觀塘填海填出黎個大塊地，加埋啟德機場跑道移位騰空出黎個新蒲崗，兩個工業區起廠起樓到密麻麻，車塞人塞，烏煙瘴氣。九龍另一邊嘅深水埗長沙灣，一路去再遠啲嘅荃灣，都係發展興旺嘅工業區住宅區，到處車水馬龍。
九龍半島同香港島北岸呢兩個市中心區都唔駛講，商業區住宅區，舊區，老路縱橫，路口多，車流打晒撠，尤其係中環，私家車特別多，上落半山山頂住宅區啲大斜路，隨時塞車塞到死火。
當年政府問咗個好有官威嘅問題：點樣徹徹底解決交通擠塞問題？
班請返黎嘅國際級交通顧問嘅答案好簡單，集體運輸系統*：架空又好入地又好，喺道路網外另起一層鐵路網，抽空路面人流。具體建議係，首先一條港九線，中環過海尖沙咀去到旺角，再一條支線向西連觀塘，一條向東連荃灣，港島就一條線貫通北岸。地鐵七八十年代最先起嘅觀塘線荃灣線港島線喺晒度。
顧問建議起嘅仲有一條：九龍東線，不過唔係今日嘅九龍東而係九龍半島嘅東面，紅磡土瓜灣馬頭圍啟德，亦即係地鐵開通之後繼續塞到死嘅地區，呢幾區要等多四十幾年等到2021年先上線。點解要等咁耐？答倒呢條問題，會係一篇香港城市發展嘅精彩論文！
*顧問講英文，當年術語係 Rapid Transit System。
【香港戰後至新世紀交通地理發展綜覽 】
導師：
吳偉賢，曾於香港中文大學任教三十年，期間一直熱衷追求多元教研經驗，曾講授工程科學，運籌設計，通識教育，並指導學術研究及通識研習課題。
上課日期：4/9（一）起，每週一堂，共七堂。
上課時間：20:30-22:00(HKT)
授課語言：廣東話
課程定價：HKD1100
上課模式：Zoom (提供錄影)
報名方法：
有興趣報名的朋友請到學識平台 hok6.com 選擇此活動報名 (首次使用者請先註冊及驗證帳號)。完成報名程序後會收到電郵通知，之後可透過該電郵或學識平台上「我的學識」進入到課堂頁面。
其他同類文章
學識會員