中國神話嘅角色 刑天你邊位?

唔知你睇《明日戰記》嗰陣，聽到「刑天」、「窮奇」，有無覺得一頭霧水？點解呢啲中國神話嘅角色，聽起嚟比希臘嘅宙斯、北歐嘅奧丁要陌生咁多？

現實上，現代人對宙斯、奧丁嘅故事往往如數家珍，但係要講出 中國神話 嘅起源、脈絡，通常都會口塞塞——背後更深刻嘅問題係：點解中國 上古文化 記載住咁多奇珍異獸，但係佢無發展出好似希臘、北歐咁家譜齊全嘅神話，反倒顯得支離破碎呢？

正如恐龍滅絕，可以用隕石解釋。中國神話嘅「滅絕」，亦有得解釋。

一眾哲學家、歷史學家喺檢視完新嘅考古證據、作中西文化對比之後，揭示出一個關鍵轉型：中國社會曾經從「巫師」過渡到「儒家」。而儒家嘅創始人 孔子，藉由推崇理性與人文嘅精神，更將以往嘅「巫師社會」、充滿神怪嘅神話一概掩沒——以聖人歷史取代 上古神話。就正如我哋對《尚書》聖王嘅印象，往往係賢德之士、謙謙有禮，但細心查看箇中字眼、對比上古神話，就會發現聖王嘅原型，充滿住神話色彩。

喺呢一個簡短嘅課程，我會同你一齊重新發掘出 巫術社會 嘅原貌，藉由歷史脈絡，檢視中國神話走向「滅絕」嘅過程。

你準備好重返嗰個巫師同神話嘅時期未？