發下夢，假如政府想鼓勵維港兩岸單車代步，考慮發展單車渡輪服務，模擬唔同碼頭選址，睇下邊度起會鼓勵多啲人踩單車，好嘞，終於選定咗，起咗，仲好成功，於是再起，終於起到好旺場，踩單車消閒當然有，踩單車返工都有，連預計唔到咁旺嘅踩單車送貨都有。
咁，你估係咪一定多咗人鍾意踩單車？
其實未必，越黎越多送貨單車過海，碼頭條隊越排越長，消閒同返工嘅就開始減少。於是，政府考慮載貨額外收費，再做個敏感度分析，sensitivity analysis，估計下收費水平同各類型單車流量嘅關係。咁，就係典型嘅需求管理手段。
翻返黎現實，香港交通咁方便，其實係咪代表香港人多咗鍾意出街？點樣做個敏感度分析？進一步講，香港起多啲鐵路道路交通再方便啲，係咪代表香港人多咗鍾意香港住？
不過，咁樣問問題係越問越大問題，越問越唔知問咗去邊。唔止話兩個變量之間距離越黎越遠，兩個都唔係可以簡單量化嘅嘢。
咁，想問交通基建發展同香港宜唔宜居嘅關係，唔係咁問，又可以點問？
-------------------------------------------------------------------------
【香港戰後至新世紀交通地理發展綜覽 】
導師：
吳偉賢，曾於香港中文大學任教三十年，期間一直熱衷追求多元教研經驗，曾講授工程科學，運籌設計，通識教育，並指導學術研究及通識研習課題。
上課日期：4/9（一）起，每週一堂，共七堂。
上課時間：20:30-22:00(HKT)
授課語言：廣東話
課程定價：HKD1100
上課模式：Zoom (提供錄影)
報名方法：
有興趣報名的朋友請到學識平台 hok6.com 選擇此活動報名 (首次使用者請先註冊及驗證帳號)。完成報名程序後會收到電郵通知，之後可透過該電郵或學識平台上「我的學識」進入到課堂頁面。
其他同類文章
學識會員