某啲人會犯罪，係「因為個格嘅問題」？

有時我哋會問：點解有啲人會做犯法嘢？

犯罪嘅原因個個都唔同。其中一個最受到 犯罪心理學 關注嘅性格特質就係所謂嘅心理病態(psychopathy)。

乜嘢係 心理病態？

心理病態有別於「心理病」或者「心理變態」。喺 心理學 用詞上，心理病態係性格特質一種。典型嘅心理病態人士有以下呢幾個特徵：

對他人情緒冷淡，缺乏同理心

冇罪惡感，做錯嘢唔會感到內疚

表面有魅力，但人際關係好膚淺

唔怕風險

好可能會操縱其他人

情緒缺乏點解會導致 反社會 行為？

一般人做咗錯事會覺得內疚、見到其他人痛苦會或多或少同情——但係對於心理病態嘅人嚟講，呢啲感覺係「唔存在」、「唔重要」嘅。一般人如果傷害其他人，會覺得唔舒服，但係心理病態嘅人就缺乏呢種感受。佢哋傷害人嗰陣甚至會視之為「手段」或者「刺激」，因此更容易做出違法、冷血、甚至暴力嘅行為。

Psychopath = 罪犯？噉又唔一定！

實證嘅研究顯示，心理病態特質同犯罪風險有正相關，心理病態程度高嘅人，比常人更大機會做犯法嘢，但唔係所有嘅 psychopath 都會犯法，亦唔係話所有罪犯都係 psychopath。心理學研究，唔應該用嚟標籤他人。

有啲 psychopath (心理病態人士) 仲識得運用自己嘅特質喺職場出人頭地，例如金融界、政治圈，甚至係高層管理。

你又點睇？你覺得心理病態係咪等同「壞人」？留言分享你嘅諗法！

想知道更多，更可以報讀【壞人的十萬個為什麼：犯罪學入門】㗎！