借詞

大家有冇發覺，廣東話入面有好多字詞其實係由其他語言演變出來？例如士多啤梨、車厘子、巴士、的士就係好典型嘅例子。

呢種語言學嘅現象，可以稱之為借詞 (英文：loanword / lexical borrowing)，又叫做外來詞，指嘅係某語言使用者從另一種語言度攞咗啲字詞嚟用，而且基本上唔改變嗰個字。

以士多啤梨（si6 do1 be1 lei2）為例，佢係嚟自英文嘅 strawberry 呢個名詞，指嘅就係一種水果。因為粵文之前未有字可以指稱呢一種生果，所以我哋講廣東話嘅人（粵人）就借咗呢個英文字嚟用，過程中字嘅發音就改咗少少去配合廣東話嘅音系，噉就變成嗰個我哋由英文借過嚟嘅士多啤梨呢個借詞。

其實「一種語言從另一種語言度借詞」呢樣嘢日日都喺度發生緊，無論係英文、粵文定係日文，都一直係從其他語言度吸納詞語成為借詞，加入自己嘅詞庫，而實際上呢種現象就係文化交流同演變（睇下文化進化）嘅一個重要部分。

粵語其實包含好多學問，最新課程【粵語顯微鏡 — 從現象到理論】現正招生，呢個課程將香港粵語放喺語言學嘅顯微鏡之下，從語音、音韻、詞法、句法、語意幾個方面去探討粵語有趣嘅現象，對語言學有興趣的朋友不容錯過！