存在主義如何反思「冇意義時代」？

一、為何“存在主義”
你係咪有時覺得，面對現實，有種無力感，而面對命運，心裡又充滿不確定性？

你甚至唔知道自己存在係世界上，有乜意義。或者，你都覺得自己好荒謬。

唔單只你係咁，你身邊好多人其實都係。唔單只係你地，其實上個世紀好多人都係如此。

20世紀，歐洲。1929 年-1931年大蕭條，加埋兩次世界大戰之後，好多歐洲人已經精神崩潰，對佢地自己，對成個西方文明，已經冇嗮希望。而存在主義哲學，就係歐洲嘅精神廢墟下誕生。

存在主義哲學，就係要反思同埋追問存在的意義為何，人如何面對存在的荒謬、現實的無力感、不確定的命運？

而我地宜加剛剛經歷過大瘟疫，又要面臨社會可能發生嘅不測與動盪，同歷史如此相似。唔同嘅就係，我地嘅危機其實剛剛開始。

係呢個時候，我地需要好多嘢。我們仲需要存在主義。但唔單只為佐反思，仲需要存在主義幫助我地應對未知。

二、何為“存在主義”
存在主義認為，現代性之所以終結於冇意義的狀態，是因為我們活成了一個抽象的自我。每個人都是同質的，可以隨時被取代。我們遺忘了具體的自我才是意義的來源。

我真實的存在、真實的人生，比任何抽象的概念都重要，因為這些抽象的概念都只能通過具體的人生才能實現，所以說「存在先於本質」。

由於「存在先於本質」，人沒有任何既定的人生意義和方向，但正因為呢種無意義，我地可以自由決定自己點樣生存，成為一個點樣既人。

一般人係日常生活中發現唔到呢種人生既可能性，只係因為我地太習慣於隨波逐流，追逐社會規定既「成功人生」，慢慢喪失自己。要理解存在，首先要覺醒自己的可能性。

雖然有時呢種覺醒未必會真係改變現實，如卡繆認為，人生就像西西弗斯，不斷將石頭推向山頂再滾落，徒勞無功，但只要領會自己真實的存在，當下既汗水同辛勞都值得享受。

當下既冇意義時代，不僅因戰爭、蕭條而起，而且資本-科技既爆發無疑加速左人既同質化、無聊化，人被還原為數據，被數據支配，如何再思考存在既意義？

「冇意義時代的哲學」將同大家傾下從資本主義到存在主義、歐陸哲學到東方哲學，思想家們點樣反思同應對資本-技術宰制下既冇意義時代。