《科學識真D》第一集: 「AI元宇宙」

學識同 D100 合作拍嘅全新科學節目《科學識真D》即將於6月13日晚上六點到七點，喺D100 YouTube 頻道上首播。

第一集: 「AI元宇宙」我哋想一反熱潮，個個都講 AI，我哋會講返元宇宙。準備拍攝呢一集嘅時候 ，Apple 都仲未宣布推出最新嘅 AR/VR 設備 Apple vision pro。當大家以為元宇宙熱潮已過，只不過係虛火，其實元宇宙相關嘅技術一直穩步發展緊。配合 Generative AI 最新發展，元宇宙未來幾年亦可能會有突破。

喺元宇宙裏面嘅每一樣物件，都需要由人一一去仔細定義。唔單止佢哋嘅尺寸，仲有佢哋嘅各種物理屬性都要定義清楚，然後所有呢一切虛擬嘅事物，如何投射變成喺 3D 眼鏡兩隻眼分別望到嘅 2D 景象，呢度牽涉龐大嘅數據量及複雜嘅 Computer Vision 電腦視像運算，原本需要以年計嘅時間先可能製造到出嚟。但如果我哋能夠用 AI 去自我生成所有呢啲嘢，並且利用近年因為 AI 發展而帶起嘅 GPU 硬件配合，就有可能更快製造到逼真嘅虛擬世界 。相信現時好多大公司所提供嘅免費虛擬遊戲或者服務，都係著眼喺收集數據嘅角度而提供畀大眾。

學識會員可以先睹為快! 第一集: 「AI元宇宙」底稿完整開放畀學識會員閱讀!

https://ko-fi.com/post/AI-元宇宙-C0C5M5SXP

有興趣嘅朋友可以加入成為學識會員，一齊學習，並且認識更多同路人!

https://ko-fi.com/hok6dotcom