粵語書寫由來已久⁉️

相信大家對粵語書寫都唔陌生，近年網絡小說大行其道，好似紙言、連登講故台等等，都會搵到唔少以粵語書寫嘅小說，但大家又知唔知，其實用粵語創作嘅文學傳統由來已久！

粵語入文，在香港起碼可以追溯到晚清，最初係源於大眾化嘅目標。喺清末嘅革命浪潮中，有一位追隨孫中山嘅人物名為鄭貫公，他為咗令民眾更容易接受改革思想，創辦咗《唯一趣報有所謂》（簡稱《有所謂報》），呢份通俗小報內容幽默諷刺，加入咗好多廣東話，因而吸引不少讀者，銷量極高。

不過粵語書寫一直發展，已經唔只為咗遷就大眾嘅口味，其實粵語文學都可以有好深奧嘅美學，今個星期六舉行嘅【粵講粵夜講座】，將會討論香港現當代文學嘅粵語書寫，由三蘇（高雄）嘅《經紀日記》、舒巷城、蔡炎培及飲江等詩人嘅新詩創作，和潘惠森嘅舞台劇劇本出發，透過介紹不同香港作家對粵語書寫嘅探索，讓各位了解五十年代以降香港文學別具一格嘅語言風景。

有興趣嘅朋友切勿錯過！

🗓講座日期：18/11（六）
🕰上課時間：20:30-22:00(HKT)
📚授課語言：廣東話
📌課程定價：免費
💻上課軟件：Zoom

講者：陳澤霖，香港中文大學香港文學特藏研究助理、中文系碩士研究生、書寫力量編詩組統籌及《字花》編輯。近年致力整理香港文學粵語書寫概念，並研究相關論述與實踐。
鄒芷茵，現職香港恒生大學中文系助理教授，從事香港地誌、報刊及飲食文學研究。
楊彩杰，現職香港恒生大學中文系助理教授，從事比較文學研究。