跨領域學習，早喺幾百年前已經係趨勢？

而家成日聽到 #跨領域學習、#通識教育 等概念，好多人都以為呢啲係近代先流行嘅學習方式。其實，歷史上最偉大嘅學者，大多都唔止專注於一個範疇，反而係跨足多個領域，將知識融合，創造出劃時代嘅發現。相比之下，我哋今日熟悉嘅 #分科學習，其實係工業革命後先開始興起。

喺過去嘅時代背景下，出現過唔少跨領域學習嘅代表人物，而17世紀學者Blaise Pascal，正正係其中一位最經典嘅例子。

數學、物理、哲學？Pascal嘅知識融合之道！

Pascal細細個已經對世界充滿好奇，特別鍾意思考唔同範疇之間嘅關係。

佢爸爸係一位數學愛好者，認為「數學太過吸引！」，擔心個仔會沉迷其中而忽略其他學科，於是希望佢先學習其他範疇，打好基礎，過咗15歲再接觸數學。不過，Pascal對數學嘅興趣依然強烈，佢開始從幾何、邏輯推理等領域入手，理解數字背後嘅規律。

結果，佢喺12歲時，已經能夠推導出「三角形內角和為180度」呢個定理，呢個發現並唔單純來自計算，而係因為佢懂得將邏輯推理、圖像思考、數量分析結合，將知識靈活運用。佢爸爸見到佢咁快就掌握咗呢啲數學概念，決定讓佢進一步學習幾何學，最終開啟佢喺數學領域嘅輝煌成就。

Pascal嘅數學成就，只係佢跨領域學習成果嘅其中一個例子。佢喺之後嘅研究當中，將數學應用到物理，提出流體壓力理論；用機械思維設計出第一部機械式計算機；甚至喺哲學思考中運用機率理論，創造出著名嘅「Pascal賭注」。

佢嘅故事亦正正說明咗咗：知識並唔係獨立存在，每個學科其實都互相影響，擁有跨領域思維，好多時可以豐富我哋解決問題嘅角度。

現代嘅「分科學習VS跨領域學習」爭議？

STEAM, 即係 Science, Technology, Engineering, Arts, and Mathematics。近代教育入面呢啲科目獨立成科，但過去一段時間，教育界又嘗試將呢幾科合併一齊學，咁樣到底係幫到學生更全面思考，定令學生更難打好根基？

嚟緊嘅「香港STEAM教育何去何從？」講座將會由湯兆昇博士同江啟明博士對談，一齊探討呢個話題。

參考資料：The MacTutor History of Mathematics archive: Blaise Pascal