翻轉教室

學識今次推出嘅「西方哲學史」課程系列係一種「翻轉教室」（Flipped classroom）嘅嘗試。佢原理係將傳統教學模式顛倒過來：既然要世界各地唔同時區嘅人每個禮拜定時聚集埋一齊太困難，倒不如將課程內容拍成影片畀大家隨時觀看。難得聚埋一齊嘅時間就應該留返做真正嘅討論互動。呢個模式其實喺疫情後已經喺世界各地廣泛應用，既可以令學生更有效掌握知識，亦有助提升學習興趣同參與感。

翻轉教室嘅概念其實早喺上世紀已經有人提出，但就似乎要到2007年由教育家 Jonathan Bergmann 同 Aaron Sams 喺美國教高中化學時實踐並開始推廣。Bergmann 形容翻轉教室將教學變得更個性化。對比傳統「老師講、學生聽」嘅模式，翻轉教室讓學生喺課堂前透過影片等資源，自己掌握學習節奏速度，隨時重播影片，針對重點反覆理解，亦可以避免學生喺傳統課堂上跟唔上進度後便冇辦法追上。而且根據學者 Eric Mazur 嘅研究，學生上課聽書時容易出現「假學懂」，即學生以為自己理解咗，但其實係流於表面，未有時間思考消化。影片自學能夠隨時暫停，容易避免呢種現象。

唔單止依賴影片，同時亦注重互動。

但翻轉教室並唔單止依賴影片，同時亦注重互動。喺翻轉教室中，老師可以用課堂時間進行小組討論、實踐活動或者即時測驗，幫助學生即時應用學到嘅知識。教育心理學家 Piaget 嘅「建構主義」（Constructivism）認為，學生透過實踐應用同互動，能夠更有效地建構新知識。學生互動時可以即時發現理解上嘅漏洞，老師亦可以針對性地提供指導，呢種及時回饋係影片無法提供嘅優勢。

靈活咁去應對唔同學生嘅學習需求。

另外，翻轉教室亦幫助老師更靈活咁去應對唔同學生嘅學習需求。學生可以利用影片#自學 基礎概念，老師則可以將課堂時間用喺更複雜嘅議題或者難題上，畀學生更深入理解。例如，一個數學課堂中，學生可以自己先睇基礎演算法，等到課堂上，老師則可以設計小組活動，讓學生實際解決應用題，從而達到更深層次嘅理解。此模式對於有唔同學習速度同能力嘅學生尤其有效，讓佢哋可以按自己步伐學習，而唔會因為趕唔上教學進度而感到氣餒。

翻轉教室唔單止限於理科課堂，對於任何需要深度理解嘅學科，例如哲學、歷史同文學亦非常合適。學生可以先喺課堂外透過閱讀同影片理解基本概念，等到課堂中，老師可以進行更具挑戰性嘅討論，促進學生批判思考。教育家 Bloom 曾提出「認知目標分類學」（Bloom's Taxonomy），指出高層次思維包括分析、應用、評估同創造，呢啲思維技巧往往難以單靠被動學習去達到，翻轉教室正正可以喺課堂上為學生創造應用與討論嘅機會，幫助佢哋達到高層次思維。今次推出嘅課程成功之後，學識會繼續以呢種模式推出更多嘅課程，大家有機會不妨試下。

想知更多〈西方哲學史〉系列三個課程: 【西方哲學史一】 【西方哲學史二】 【西方哲學史三】。