當 #人工智能 迫到埋身，做藝術同做哲學反而有空間！？
無錯，你無睇錯！
人類幾時有「冇藝術」嘅日子？你數得出，嚟同我傾！
你出世到而家肯定有問過哲學問題嘅！你冇問過嘅話，嚟同我講！
近日ChatGPT吉卜力生成圖引嚟風風雨雨，好多人討論生計、版權、道德，好多人嬲嬲豬，突然間 #吉卜力、繪畫畫風、藝術家等變成討論熱話，令我諗起做電影時，同一啲前輩茶餘飯後吹水時講嘅一啲趣事，當時係2003年沙士嘅時候，冇電影開得成，導致好多人冇工開，我好彩參與到一個為沙士而做嘅動畫短片，因為做動畫所以大家講起宮﨑駿，話說有前輩大導演同宮﨑駿好熟，佢話俾我哋聽宮崎駿有咁多部咁好睇嘅動畫電影，佢公司居然係得幾個人，要知道動畫裡面一個小小動作可以由十幾至幾十幅畫組成嘅，每幅畫之間只係少少改動，逐啲逐啲變化集合幾十幅到幾千幅到幾萬幅圖，串成一個動作到一個場景到成部電影，想像一下每日由早到晚畫畫畫畫畫，好痛苦？好悶？如果係咁，佢唔會做到今時今日仲堅持緊呢個做法啦，佢絕對有資源去用啲所謂「快靚正」嘅方法啦，但係佢冇咁做，原因好簡單，因為，鍾意！點解鍾意？仲簡單，因為，做得開心！心理學家Mihaly Csikszentmihalyi研究藝術家專注做藝術時，有一種最「爽」嘅狀態，佢稱之為「The Flow-心流」，被認為係一個人最「開心」嘅時候，過程中冇咗好多限制，例如時間、饑餓、口渴、攰等等，無拘無束好「自由」咁沉浸係做藝術過程裡面，可以想像一下宮崎駿同幾個動畫師，畫畫畫畫畫咗成年先出一部電影，仲畫咗幾十年到今時今日，個中嘅「自由」相比而家大家覺得好「自由」隨意用prompt 生成嘅 #吉卜力風 圖像，當中嘅「爽」同「開心」可能仲有啲距離。
AI吉卜力風雨嘅出現正好推動大家，係面對人類歷史中社會文化變得最快嘅時代，去嚟個大執位，好慘？好玩？有危有機？其實都冇得揀，我哋唯一可以揀嘅係，作為一個人去反思，盡快地審視，各種人事物嘅價值，自己可以掂？人哋可以掂？我個仔我個女可以掂？父母可以點？社會可以掂？呢個時候哲學就幫到你！有方法地一齊去思考去討論去實踐！
相信你可能估唔到嘅係，藝術同時都可以幫到你，正如Marcus Gabriel 所講，藝術係現代社會根本無處不在，影響之大係好多人都梳忽咗，藝術係咩人手上傳遞咩嘢出嚟，會無意識咁接收哂？當然，而家好多時 #商業化 咗，所以更加要知咩係藝術，要知操作嘅人發放緊咩出嚟，自己接收緊咩，收唔收就由自己話事，唔好被人撁住都唔知，或者行多一步自己操作埋藝術，感受一下宮﨑駿式自由就更理想，話唔定去到一個境界好似尼采咁講，藝術係解決生命嘅荒謬嘅唯一方法——因為「自由」。
想再傾落去？快啲嚟上「藝術和哲學-有/冇用？！」課程，大家一齊係呢個超速嘅世代，係藝術同哲學裡面搵出口啦！我哋上堂好好玩，有理論、有討論仲有實踐部分呢！
P.S. 以往同學嘅讀後感係：意想不到搵到自己有另一面/見到平時無留意嘅世界/好開心/解決咗一啲陳年問題/創作上有突破/好自由！
學識會員