🔥跟從自己嘅 passion 就一定得？

如果有一日，你個仔走嚟同你講，話佢想成為專業作家，你會點答？

喺英文圈，好多人畀事業建議嗰陣，都會叫人「跟從自己嘅 passion」。好多人覺得，世上最理想嘅嘢，就係將 passion 變成事業，譬如有啲人好鍾意寫作，覺得寫作就係自己 passion，就想攞呢個 passion 做事業。到底呢個建議係咪真係得嘅呢？

美國作家 史葛加路維 (Scott Galloway) 就噉講：「我唔想潑你冷水。想追夢嘅就追啦。但係我哋都係要睇返現實。音樂同演藝工作 失業率 有成 99% 咁高。所以你一定要做到最 top 嗰 1%。我希望你哋可以搵返啲標準，評估自己做唔做到嗰 1%。世上最有才華嘅演員都會加入美國演員工會，係全世界頭 18 萬名最有創作天份嘅人。但係舊年，呢啲會員當中有 83% 嘅都負擔唔起健保，因為佢哋年收入唔過 23,000 美金。你要有健保，必定要擠得入頭嗰 17%。」

加路維指出，好多後生仔女都撈亂咗 passion 同 興趣。以為一樣嘢開心過癮就係 passion，但現實係好似音樂、寫作、畫畫呢啲令人開心嘅嘢，多數都好難攞嚟做事業。英文 passion 一詞嚟自拉丁文 passio，意思係 捱苦 噉解。要對一樣嘢有 passion，就一定要精通嗰樣嘢，期間一定要捱好多苦，經過長年累月嘅學習吸收經驗。相比之下，興趣係純為咗開心而做嘅。佢仲話好多年輕人誤以為自己嘅興趣係 passion，結果就孤注一擲，走去讀自己有興趣嘅嘢，最後搞到事業走入倔頭路。

你又有冇啲乜嘢係覺得自己零舍有興趣嘅呢？你覺得嗰樣嘢只係興趣，定係有可能成為你嘅 passion？留言分享吓！