零的定義

其實零的確有好多定義。

你可能會話零就係冇嘢囉，點會有咩唔同嘅定義？但你諗真啲喎，譬如數字10000，你去銀行攞錢，佢比少咗個0你，你真係覺得冇嘢？於是乎零同數字0又好似係有唔同意思。

其實喺唔同文化嘅數學系統裏邊，例如中文數字及羅馬數字，零都唔喺原先數字系統嘅入面，係後加嘅概念。同今日數學主流用嘅阿拉伯數字（起源於印度）嘅0，又有唔同嘅使用方法。

除咗文化之外，喺物理層面，一個最常用嘅零嘅概念就係溫度嘅零度。但攝氏零度又唔同絕對零度，只係273.15K。而絕對零度卻係攝氏-273.15度。

喺電腦層面，你喺螢幕上面打嘅0，其實都唔係真係0，而係ascii code嘅48。真正ascii code嘅0，係NUL。

從唔同嘅文化，唔同嘅尺度去睇，零真係可以有好多定義。所以下次想同人溝通得清楚，就一定要準確定義你用緊果把係咩尺呀。