新巿鎮選址由交通決定？

荃灣同觀塘，係香港二戰後最先發展嘅衛星城市，住宅區混埋工廠區，當時水路貨運好重要，所以要接近市中心得黎又靠海，之後係青山（後來叫屯門），都係靠海。

 

然後到七十年代發展沙田、大埔、粉嶺上水，改口叫新市鎮，都一樣有工廠區，就可以靠1967年開通咗嘅獅子山隧道同大埔公路，靠已經幾發達嘅貨車同貨櫃車運輸。

 

不過咁講，八十年代之前，城市同交通規劃無乜系統協調，譬如同樣係七十年代發展嘅元朗新市鎮，就山旯旮咗好多年，等大欖隧道同西鐵等左成廿年。

 

八十年代天水圍同將軍澳選址，就一早考慮咗交通網嘅佈局，不過成效點就真係眾所周知嘞。

 

最新果個東涌新市鎮，唔駛講選址係因為喺赤鱲角機場隔離，有鐵路有高速公路，係基建引導區域發展嘅最佳示範。