網課如何實踐無障礙教學精神？

網課如何實踐無障礙教學精神？

「學識」作為網上教育平台，將外國嗰啲時興嘅網課教學形式，引入返嚟香港，仲要係用廣東話教添！講開又講，殘障與藝術課程，都已經喺「學識」平台上咗架！

我哋睇到「學識」呢種網上教學形式，有發展更多 無障礙教學 既空間。未來可以將知識傳遞俾更多人，無論佢哋嘅背景同能力係點。

嚟睇下網上教學點解可以比起實體課更加通達啦！

首先，網上教學打破咗地域限制。以前住得遠，或者 行動不便 嘅朋友仔，想上堂都幾難。而家只要有網絡，就可以喺屋企舒舒服服咁學嘢，真係方便好多！ 對於一啲要長期覆診，或者身體狀況唔穩定嘅人嚟講，網上教學更加係一大福音。

第二，網上教學可以提供更多元化嘅學習資源同模式。例如影片可以加字幕、教材可以轉做電子版等等。咁樣就可以照顧到唔同學習需要嘅人，例如 聽障、視障、讀寫障礙 等等嘅朋友。 實體課就好難做到咁個人化嘅支援。

講到傷健共融，網上教學可以避開到一啲教學空間既物理障礙：唔使擔心上堂既地方有無斜道、升降機、暢通易達嘅洗手間等等嘅問題。

殘疾人士 嘅身體狀況可能每日都唔同，網上教學嘅彈性時間安排，可以俾佢哋根據自己嘅情況去調整學習進度，唔使迫自己一定要跟住實體課嘅時間表。

同時，可以減少面對面嘅社交壓力，對於一啲有 社交焦慮 或者 自閉症 嘅朋友仔嚟講，會更加自在同安心。 而且，網上平台 可以提供匿名發言嘅功能，令佢哋更願意表達自己嘅意見。

當然我哋唔喺話淨喺殘疾人至適合報呢個科，但隨著科技發展，原來時興既學習方法，唔單只喺方便一小撮人，同時亦喺度不斷拉近知識與人之間的距離。

想了解更多 傷健共融 呢個議題？係時候嚟讀讀【殘疾與藝術—殘障研究與香港的藝術教育】！